El Dyo^[4] disho ke bueno era.

Mundo ke uviera.

El krio sielos i tierra.

Disho a la lus ke fuera.

Dia primero de Shabat.

Vengan las aguas aparte.

De toda la parte.

Fuego kon agua no se amate.

Disho el Dio rey komandante.

Dia segundo de Shabat.  Hay. Hay. Hay.

El krio dos luzes beyas.

Para ke arelumbren eyas.

Krio sol luna y estreyas.

Frutos agan kreser eyas.

Dia tresero de Shabat. Hai. Hai. Hai.

El Dyo disho luvyas ke uvieran.

Y El las bendishera.

La mar de peshe se inchera.

Aves bolen por la tierra.

Dia kuatreno de Shabat. Hai. Hai. Hai.

God said that it was good.

That the world should exist.

He created the heavens and earth.

He told the light that it should be.

The first day of [the week following the] Sabbath [i.e., Sunday].

Let the waters come separately

From all places.

Fire should not be put out by the water.

Said God, the King who commands.

The second day of Sabbath. Life. Life. Life.

He created two beautiful lights.

For them to illuminate.

He created the sun, moon, and stars.

They make fruits grow.

The third day of Sabbath. Hai. Hai. Hai.

God said let there be rains.

And He blessed them.

Let the sea be full of fish.

Let birds fly over the earth.

The fourth day of Sabbath. Hai. Hai. Hai.

[Start of Page 2 in original text]

De la tierra yerva salga.

I vedruras aiga.

Arvoles frutos ke agan.

I kon simienta salgan.

Dia sinkeno de Shabat. Hai. Hai. Hai.

Dela tierra beemot kiten.

Hayot serpientes.

El krio kon forma djentes.

Se muchigen en el olam podesten.

Dia sejeno de Shabat. Hai. Hai. Hai.

Dyo baragan sin asemedjansa^[5].

El kria i no se kansa.

El krio toda kriansa.

Mos dio el Shabat olgansa.

Para ke olgemos en Shabat. Hai. Hai. Hai.

Dyo grasiozo i piadozo.

Alegria i gozo.

Mos dio Shabat por repozo.

Lo dio a su puevlo ermozo.

Para ke repozemos en Shabat. Hai. Hai.

Semen de Yaakov eskodjites^[6].

Shabat mos dates.

El mundo por nos izites.

Rihmemos asegun dishites.

Az por el zehut de Shabat. Hai. Hai.

Rihmemos ke so tu siervo.

Solo a Ti^[7] siervo.

Por Shabat koro^[8] komo el siervo.

Si no meresko non siervo.

Az por kavod de el Shabat, Hai. Hai. Hai.

Let grass grow from the land.

And let there be vegetables.

May trees grow fruit.

And with seeds may they come out.

The fifth day of the Sabbath^[9]. Hai. Hai. Hai.

Let them send forth beasts from the earth,

Also the other wild animals.

God created humans with form.

May there be many in the world, and rule it.

The sixth day of the Sabbath. Hai. Hai. Hai.

God is all-powerful without form.

He creates and never tires.

He created every creature.

He gave us the Sabbath to rest.

For us to rest on the Sabbath. Hai. Hai. Hai.

God is graceful and forgiving.

Joy and pleasure.

He gave us the Sabbath for rest.

He gave it to his beautiful people.

For us to rest on the Sabbath. Hai. Hai.

You (God) chose the seed of Jacob.

You gave us the Sabbath.

You made the world for us.

Redeem us according to what you said.

Do it for the merit of the Sabbath. Hai. Hai.

Redeem us for I am your servant.

I serve only You.

For the Sabbath, I run like a servant.

If I am unworthy, I serve no purpose.

Do it for the honor of the Sabbath. Hai. Hai. Hai.

El Dyo Alto kon Su grasia.

Mos mande muncha ganansia.

No veamos mal ni ansia.

A nos i a todo Yisrael.

[Start of Page 3 in original text]

Oh! God on High with His grace.

May He send us much fortune.

May we see no evil, nor anxiety.

For us and all of Israel.

Bendicho El Dyo abastado.

Ke mos dio dia onorado.

Kada Shabat mijorado

A nos i a todo Yisrael.

Rogo al Dyo de kontino.

Ke este en nuestro tino.

No mos manke pan ni vino.

A nos i a todo Yisrael.

A·vos ke sosh Padre Rahman.

Mandamos al pastor Neeman.

Ke mos sea un buen siman.

A nos i a todo Yisrael.

Venid todos adjuntemos.

A Su nombre bendiziremos.

I de El demandaremos.

La bendision de Yisrael.

Rogemos noche i dia.

Ke mos de gozo i alegria

Kon toda la kompania.

A nos i a todo Yisrael.

A Dyo avre Tu siyero.

I damos muncho dinero

Ke siempre de Ti espero.

Ke eres^[11] santo i fiel.

Damos Sinyor Tu bendision.

Kon la buena kondision.

Amostramos Tu salvasion.

Del Mikdash Ariel.

Ya es bien abastado.

Loke avemos pasado.

Mandamos a El Untado.

Mashiah de Yisrael.

Mihael sar Yisrael.

Eliahu i Gavriel.

Vengan djustos kon el goel.

A salvar a Yisrael.

Blessed be Almighty God Who provides all.

Who has given us the honored day.

May each Sabbath be better than the last.

For us and all of Israel.

I plead to God constantly.

That He should be in our mind.

We should never lack bread or wine.

For us and all of Israel.

To You who are a Merciful Father.

Send us the Faithful Shepherd.

May it be a good sign for us.

For us and all of Israel.

Come, everyone, let us get together.

We shall bless His name.

And of Him we shall ask

The blessing of Israel.

Let us plead night and day.

That He give us joy and happiness

With all the company.

For us and all of Israel.

Oh God, open your treasure.

And give us much fortune.

That I always expect of you.

For You are holy and faithful.

Give us, Lord, Your blessing.

With the best condition.

Show us Your salvation

From Mikdash Ariel.

It is quite enough.

What we have been through.

Send us the annointed one.

Messiah of Israel.

Mihael, the Minister of Israel.

Elijah and Gabriel.

May they come, with The Redeemer

To save Israel.

Adonay^[13] Dyo poderozo,

Rey fuerte i temerozo.

Yamo a Moshe pastor fiel,

Por dar La Ley a Yisrael.

Moshe a los sielos suvio,

Kuarenta dias estudio.

No komio nada ni bevio,

Por resivir La Ley del Dyo.

Yisrael el puevlo santo,

Sintio kon temblor i espanto.

Dies mandamientos en Sinay,

Dichos de boka de Adonay.

Yo te kiti de esklavaje,

No agas ningun imaje.

Otro Dyo no puedes servir,

Afin ke su folor no agas suvir.

El nombre del santo Dyo,

Ke vida i salud te dio.

No lo djures en vanidad,

Ni en mentira ni falsedad. 

Dia de Shabat sieten dia,

Repoza tu i tu famia.

Ningun lavoro no aras,

Ni venderas ni merkaras.

Padre i madre deves onrar,

Viejos i savios respektar.

Ijo sos i padre seras,

Loke azes resiviras.

No mataras no rovaras,

De zenut te alesharas.

Mentira no puedes avlar,

Ni edut falso atestar.

Bien de otros no dezear,

Mujer ajena no kovdisiar.

Si estos komandos guadraras,

Dias munchos alargaras.

Adonay, the powerful God,

Strong and fearsome King.

He called Moshe, the faithful shepherd,

To give the Law (Torah) to Israel.

Moshe went up to the heavens,

Forty days he studied.

He neither ate nor drank,

To receive the Law (Torah) from God.

Israel, the holy people,

Heard with trembling and fear.

Ten commandments on Sinai (Mountain),

Spoken by the mouth of God.

I took you out of slavery,

Do not make any (graven) image.

You cannot serve another (God),

So that you will not make his anger rise.

The name of the holy God,

Who gave you life and health.

Do not take it in vain,

Neither in lie nor in falsehood.

The day of the Sabbath, the seventh day,

You and your family should rest.

You shall do no work,

You will neither sell nor buy.

Father and mother you must honor,

Respect the elders and the learned.

You are a son and will become a father,

Whatever you do, you will receive back.

Do not kill or steal,

You should stay far from prostitution.

You cannot speak in falsehood,

Nor attest to a false testimony.

Do not desire the property of others,

Do not covet another’s wife.

If you observe these commandments,

You will have many days ahead.

Merom Eli mitkomemi,

A vos yamo respondeme.

Sen yarattin bu olami^[14].

Bene et bet olami. 

Sovre todo es de alavar a El Hay Sur Olami,

Alavar kero al Dyo

Ke es alto de loores,

Ke krio para el ombre

Munchas maneras de flores.

I son demudadas

En golor i tambien en kolores.

I en todas las mijores

Es la roza meshkiorme.

Sovre todo…

Adjuntaronsen las rozas

Alavar al Dyo de una.

Ke las krio tan donozas

Lindas sin tacha ninguna.

I todos dizen berahot en eyas

Komo dizen en la luna.

Ansi dizian kada una,

No ay mijor ke mi.

Sovre todo es…

La trandafila respondio

Todos keden para un lado.

A mi me toka alavar

Al Dyo Alto i enshalshado.

Ke de mi azen sharope

I asukar rozado,

I en agua so alavado,

La yul suyu sale de mi.

Sovre todo es…

La klavina respondio

Mas grande es la mi fama.

Ke yo so roza de novia

I me yevan en la palma.

I me mandan por prezente

A todas las lindas damas.

I me keren komo (sus almas)^[15]

[Start of Page 6 in original text]

From up high, God of the universe.

I call you, answer me.

You created this world.

Build the house of the world.

More than anything, one has to praise the Living God, Rock of the World

I want to praise God

Who is high and glorious,

And Who created for man

Many kinds of flowers.

And they are varied

In fragrance and in colors.

And among them all, the best

Is the meshkiorme rose.

More than anything...

The roses gathered as one

To praise God in union.

For he created them so lovely

Beautiful without a single defect.

And everyone says blessings over them

As they say them over the moon.

Thus said each one,

There is none better than me.

More than anything...

The triandáfyllo rose responded:

Everybody step aside.

It’s my turn to praise

The exalted praiseworthy God on High.

From me they make me syrup

And pink sugar,

And in water I am praised,

Rosewater comes from me.

More than anything...

The carnation responded:

My fame is still greater.

For I am the bride’s flower

And they carry me in their hands.

And they send me as a present

To all the beautiful ladies.

And they love me like (their souls)

I todos se gustan de mi.

Sovre todo es de alavar…

El zambak kidjo^[16] avlar

Una avla de galana.

A mi me toka alavar

Ke so roza de ventana.

I mi azeite aze kreser

Kaveyo de galana.

Alevantan demanyana

I todos dezayunan kon mi.

Sovre todo es de alavar…

La zimbulundi respondio

A mi no me tengash desdichada.

Mi kolor es komo la kolor del sol

I en agua so alavada.

Kuanto mas rozas kito

Tambien mas so alavada.

Komo ombre kon namorada.

Ansi se namoran de mi.

Sovre todo es de alavar…

La menekshe respondio

Una avla savrozika.

A mi me toka alavar

Aun ke me vesh bashika.

Ke de mi azen hamere.

I me komen kon kucharika,

I las bivdas rikas

Dezayunan kon mi.

Sovre todo es de alavar…

El anberie respondio

Kon su gargantika alta.

Yo so roza muy kumplida

I en mi no topash falta

I paresko a oro fino

Mi kolor oro i plata.

Komo el sol ke espunta.

Ansi las rozas komo mi.

Sovre todo…

La shapshal respondio

Yo kito flor kolorada.

Provechoza mi golor

Para naris tapada.

Entre mas ke otras flores

So presto amurchada

[Start of Page 7 in original text]

And everyone likes me.

More than anything, it is to praise…

The madonna lily wanted to speak

Like a beautiful lady.

It is my turn to praise

For I am the flower of the window.

My oil helps grow

The young girl’s hair.

When they wake up in the morning.

They all have breakfast with me.

More than anything, it is to praise…

The hyacinth responded:

Do not make me sad.

My color is like the color of the sun

And in water I am praised.

The more flowers I grow,

Even more am I praised.

Like a man with a lover.

Thus they become enamored of me.

More than anything, it is to praise...

The violet responded

With a delicious word.

It is my turn to praise

Although I look a little small.

They make me into flowery herb

And they eat me with a small spoon,

And the rich widows

Eat breakfast with me.

More than anything, it is to praise...

The musk-mallow responded

With its long little neck.

I am a complete flower

And in me you can not find flaw,

And I look like the finest gold,

My color is gold and silver.

Like the sun that shines.

Thus the flowers like me.

More than anything, it is to praise...

The heather responded:

I grow red blossoms.

My fragrance is beneficial

For stuffy noses.

And even more than other flowers

I wither quickly

I todos se gustan kon mi.

Sovre todo es de alavar…

La rudika respondio

Mas grande es la mi fama.

Ke so roza de parida

I me meten en la kama.

I todo ojo malo lo kemo komo flama.

I le guadro a su alma.

El ke yeva a mi.

Sovre todo es de alavar…

La murta avla

Una avla de ermano.

Yo so roza de mitzvot 

I me yevan en la mano.

Kon mi adovan el lulav 

i dizen she’eheyanu.

Todos gustan de mi.

Sovre todo es…

La shebuy respondio

Yo so muy buena kriada.

Mi golor es muy savroza

I en pinturia so alavada.

En munchas kolores

Amaria i kolorada.

Yo era muy ermanada

I munchas flores salen de mi.

Sovre todo es…

La yasemi^[17] respondio

Yo no era flor turavle.

Empero la mi golor

Es muy turavle.

Ke de mi azen la azeite

Ke a la karne es refreskavle.

I en las ropas se meten

Por golor de mi.

Sovre todo es de alavar…

La yondje respondio

Una avla muy kontente.

A mi me toka a avlar

Porke so muy valiente.

Entre ropas so guadrada

Por mi golor muy kayente,

Kada uno a su pariente

Me mandan a mi.

Sovre todo es de alavar…

[Start of Page 8 in original text]

And everyone enjoys me.

More than anything, it is to praise...

The rue responded:

My fame is greater.

For I am the flower of a new mother

And they put me in her bed.

And I burn every evil eye like a flame.

And I protect the soul

Of whomever carries me.

More than anything, it is to praise...

The myrtle speaks

The language of a brother.

I am the flower of commandments

And they hold me in their hand.

With me they repair the lulav^[18] 

And they say she’eheyanu^[19].

They all enjoy me.

More than anything, it is to praise...

The gillyflower responded:

I am very well created.

My smell is very tasty.

And in paintings I am appreciated.

With many colors

Yellow and red.

I was in deep sisterhood

And many flowers come out from me.

More than anything, it is to praise...

The jasmin responded:

I am not a flower that lasts long.

But my smell

Is very long-lasting.

Out of me they make the oil

That is refreshing on the skin.

And on the clothes they put me

For my fragrance.

More than anything, it is to praise...

The clover responded

With a joyful speech.

It is my turn to praise

Because I am very brave.

I am kept with the clothes

For my hot fragrance,

To each one of the relatives

They send me.

More than anything, it is to praise...

La poliya respondio

Una avla muy henoza.

A mi me toka a alavar

Ke so primera roza.

Mi kolor es amaria

I mi golor es provechoza

I me meten en la meza

I se gustan de mi.

Sovre todo es de alavar…

Hazak ve’ematz Dyo Bendicho

De Yisrael muy amado.

Muncho bueno en Su mundo

Kon Su dicho fue kriado.

A todas las rozas mentimos

Loores al Dyo Abastado,

Dyo de olamim.

Sovre todo es de alavar a al Hai Tsur Olami

The moth orchid responded

With a graceful speech.

It is my turn to praise.

For I am the first flower (to bloom).

My color is yellow

And my fragrance is beneficial

And they put me on the table

And they enjoy me.

More than anything, it is to praise...

Be Strong and Courageous, Blessed God

So loved by Israel.

Many beautiful things in His world.

With His word, he created

We have mentioned all the flowers

Praises to God Almighty,

God of the worlds.

Above all, one has to praise the Living God, Rock of the World.

Ordenare un kantar.

Nombre de El Dyo enmentar.

Ke torne asementar.  

La sivdad de Tevaria.

Bendicho sea Su nombre,

En boka de todo ombre,

Ke se enmente i Su nombre,

La sivdad de Tevaria.

Gozos i alegrias.

Agan en todas las vias,

Ke se frague en nuestros dias,

La sivdad de Tevaria.

Den loores a El Dyo,

Todo el ke es djudio,

Porke se arebivio

En lugar de Tevaria.

Eya^[21] es grande su fama,

Todo el ke la ve la ama,

Porke alegra la alma.

El aver de Tevaria.

[Start of Page 9 in original text]

I will arrange a song.

Mentioning the name of God.

May he come back to build.

The city of Tiberias.

Blessed be His name,

In the mouth of all mankind,

May it’s name also be mentioned,

The city of Tiberias.

Let there be joy and happiness,

On every path,

Let be built in our days,

The city of Tiberias.

Give praise to God,

All who are Jewish,

Because they are revived

In the place of Tiberias

Her fame is great,

Everyone that sees her loves her,

Because she cheers up the soul.

The air^[22] of Tiberias.

Onde tan klaro aser,

Ke es gran koza de veer,

Es muy sano el bever,

Las aguas de Tevaria.

Zehut grande tuvimos,

Ke en eya kovdisiimos^[23],

Viendola presto faguaremos^[24],

El kal de Tevaria.

Hasnes^[25] si gastarian,

Siendo no abasteserian,

Porke vengan la Djuderia

A morar en Tevaria.

Tiempo muncho fue pasado,

Ke estuvo deziertado,

Por minian era menguado

Para kadish en Tevaria.

Yena era de espinos,

En lugar de aver pinos,

Alarzes tambien enzinos

Al lugar de Tevaria.

Komo ansi la alavan

I su fruto kovdisiavan,

En Yerushalayim no se ve aya.

El fruto de Tevaria.

Loores a El Dyo daremos,

Tambien Lo alavaremos.

Muy presto mos apartaremos,

De visios de Tevaria.

Mas ke es lugar de olgar,

Para amores tomar,

No ay en ningun lugar,

La leche de Tevaria.

Ni me kedo repozo,

De avlar mi gozo

Tambien de Miriam el Pozo,

En la mar de Tevaria.

Su agua tiene una koza,

Ke es muy provechoza,

Ke muncha sensia le apoza,

Ken beve en Tevaria.

Ereh para eya no ay tal,

No se valia su metal,

Porke el Rav Haim Vital,

Las bevio en Tevaria.

Prevando fue el estante,

Ke es koza de enkante,

Sensia le viene bastante,

Subito en Tevaria.

Tsadik el es gozer,

Mira de azer gozar

Vini a tomar plazer,

A gozar en Tevaria.

[Start of Page 10 in original text]

Where what to do^[26] is so clear,

For it is a great thing to see,

It is very healthy to drink,

The waters of Tiberias

We had great merit,

For in her we had great desire,

Seeing her, we will build quickly,

The synagogue of Tiberias.

Treasure-houses though they spend,

It would not be enough

For the Jewish people

To come live in Tiberias.

A long time has passed,

That it was deserted

A minian^[27] was lacking

For the kaddish (memorial prayer) in Tiberias.

It was full of hawthorns,

Instead of there being pine trees,

Cedars and oaks as well

In the place of Tiberias.

Thus do they praise her,

And her fruit they desired.

In Jerusalem cannot be seen

The fruit of Tiberias.

We will give praises to God,

We should will also praise Him.

Very soon we will leave behind,

The vices of Tiberias.

More than being a place to rest,

To enjoy love.

There is not any other place that has

The milk of Tiberias.

Rest has not been left to me,

From speaking of my joy.

Also of Miriam’s Well,^[28] 

In the sea of Tiberias.

Its water has a certain thing,

Which is very beneficial.

For a lot of wisdom settles upon him

Who drinks in Tiberias.

No price can be set for her,

No price for her metal [or substance].

Because Rabbi Haim Vital,

Drank them in Tiberias.

He was testing it,

Which is a wondrous thing.

Plentiful wisdom comes to him,

Suddenly in Tiberias.

The righteous person decrees,

Try to offer pleasure.

Come to take pleasure,

To enjoy in Tiberias.

Keila fue fraguada,

Koza muy alavada,

A Yisrael enbiada,

Ala sivdad de Tevaria.

Reales seran vendidos,

Ayi seran akojidos,

Los ke estan esparzidos,

En plasas de Tevaria.

Sierto ayi tornaran,

Los sanedrin ayi djuzgaran,

De ayi se rehmiran,

Enprimero de Tevaria.

Teilot a El Dyo daremos,

Kantar nuevo kantaremos

A Yerushalayim andaremos,

De ayi de Tevaria.

A synagogue was built,

A thing that is highly praised.

Sent to Israel,

To the city of Tiberias.

Real coins will be sold

There will be collected.

The coins that are dispersed,

In the markets of Tiberias.

Certainly they will return there,

The Sanhedrin (high court) will judge.

From there they will be redeemed,

First from Tiberias.

We will give glory to God,

We will sing a new song.

We will go to Jerusalem,

From there, from Tiberias.

Oh^[29]! Ke nueve^[30] mezes travatesh de estrechura

Mos nasio un novio (novia) de buena ventura

Biva la parida kon su (sus) kriatura[s].

Ya es buen siman,^[31] esta alegria

Bendicho El ke mos ayego, a ver este dia

Nakarat^[32] 1

Uh ke pino, pino revedrido,

Mos biva el parido,

Ke mos trusho (traiga) vino.

I por meze^[33] likorino

Ke bien empleadas fueron las dolores

Mos nasio un novio (novia) de kara de flores

Siempre de kontino al Dyo demos loores^[34].

Ya es buen siman……

[Start of Page 11 in original text]

Oh! What a nine months you have suffered in distress, A baby^[35] has been born of good fortune

Long live the new mother, with her child(ren).

This happiness is a good sign,

Blessed be the One who allowed us to see this day.

Refrain 1

Oh! how the pine tree turned green again,

Long live the new father,

Who brought us (traiga: May he bring us) wine

And a liqueur as hors d’oeuvre.

How well utilized were the pains

A child has been born to us with a flowery face.

Let us continuously give praise to God.

This happiness is a good sign...

Nakarat 2

Uh ke parra^[36], parra revedrida,

Mos biva la parida

Ke se alevante sana

I biva kon muncha alegria

Ya vino el parido kon los kombidados

Ke trusho en la mano sinta^[37] i buen pishkado

I la otra mano yena de dukados.

Ya es buen siman……

Kuando la komadre disho dame dame

Disho la parida, a Dyo eskapame

Disheron la su djente amen amen amen.

Ya es buen siman……

Kuando la komadre baruh aba^[38] le dishera

Se alegro el parido kon su kasta entera

A toda su djente, muncho gusto les dira.

Ya es buen siman……

Ya vino el parido, alos pies dela kama

Le disho la parida, Oy no komi nada

Presto ke se le traiga, gayina enreynada.

Ya es buen siman……

Alava al parido, ke bien lo merese,

Pino^[39] revedrido, ke en la guerta krese

Biva la parida, kon ken la estremese.

Ya es buen siman……

[Start of Page 12 in original text]

Refrain 2

Oh! What a vine, a green vine,

Long live the new mother.

May she get up hale

And live with much happiness.

The new father has come, with the guests,

He has brought in one hand meat and good fish,

And the other hand is full of money (ducats).

This happiness is a good sign...

When the midwife said, “Push! Push!”

The new mother said, “Oh, God, save me!”

Her people said, “Amen, amen, amen!”

This happiness is a good sign...

When the midwife should say, “Welcome!”

The new father with his whole family will be very happy

To all of his people he will say, A great pleasure.

This happiness is a good sign...

The new father has come, to the foot of the bed,

The new mother said to him, “I have not eaten anything today.”

Quickly let them bring her a stuffed hen.

This happiness is a good sign....

Praise the new father, who well deserves it,

A green pine tree that grows in the yard

May the new mother live, with the one makes her shudder.

This happiness is a good sign....

Parida parida, un ijo (ija) paritesh

A la kasta entera, los arebivitesh

Tambien al parido, en gaste lo metitesh.

Ya es buen siman……

Parida, kunyada, deshme^[40] las estrenas

Por esta kantiga, ke es una delas buenas.

Vos alevantesh parida kon vuestras yenas.

A kriar i a gozar minyan^[41] (ijos) en su vida.

Bendicho El ke mos ayego……

Nakarat 3

Uh ke fiesta, fiesta de alegria

Mos biva la parida, kon toda la kompania

Ke se alevante sana i biva

A kriar….. Bendicho El……

Vistan al nasido, de ilos i brodados.

Alegre este el parido, kon los kombidados,

Ke venga kon su mano yena de dukados.

Ya es buen siman

New mother, new mother, you have given birth to a son (daughter)

You have revived the entire family

Also the new father, you have put him in debt.

This happiness is a good sign....

New mother, sister-in-law, give me the good news,

Through this song, which is one of the best.

May you get up, new mother, with your breasts full

To nurse and to enjoy a prayer quorum (of sons) in your life.

Blessed be the One who allowed us to see this day.

Refrain 3

Oh! what a feast, a feast of joy

Long live the new mother, with all her company

May she get up hale and hearty

To nurse and raise up children ….. Blessed….

They should dress the baby, with stitched and embroidered garments.

May the new father be happy, with all the guests

May he come with his hand full of money.

 This happiness is a good sign.

Kontar kero una parsa,^[42]

ke vos sea por membransa

Kontar todo lo ke pasa,

por la kavesa del ombre.

[Start of Page 13 in original text]

I want to tell a story,

To be a reminder for you

To tell all that passes,

Through the head of a man.

Sepamos ke todo es nada,

Esta vida arastada^[43].

No ay salida ni entrada

En las vidas del ombre.

Dezde ke nase el chiko,

Asta anyos kuatro i sinko

Komo se kria el poiko^[44],

Ansi se kria el ombre.

Kuando avlar ya empesa,

Alegria de la meza,

Ken lo abrasa ken lo beza,

De oirlo se gusta el ombre.

En los brasos de su madre,

I en ombros de su padre,

Komo roza ke se avre,

Ansi asemeja el ombre.

Dizen si veresh su grasia,

Kual vos sea la ganansia

Ni en Venezia ni en Fransia

No lo vido ningun ombre.

Kuando tiene los dies anyos

Todos sus echos son danyos.

Estruir i romper panyos,

Ke no abastese el ombre.

Lo ke kere avla i dize,

No ay ninguno ke lo deveze,^[45]

Dezde ke tiene anyos kinze,

De suyo se aze ombre.

Kuando se ve por los vente,

Se aze un leon fuerte,

En kazar mete su miente

Por entrar en kuenta de ombre

Ya kazo komo puedia,

Alkanso lo ke keria,

Esta es la alegria,

Ke a de gustarse el ombre.

Antes ke pase la anyada,

La mujer keda prenyada

Si son dos en una vientrada,

Mala la enkanpa el ombre

Se ve yeno de dolores,

Fuyendo de los devdores

Se le piedren las kolores,

De las karas del ombre.

Se kema komo la braza,

Enpesa^[46] a vender de kaza

De aki empesa la kavza,

Ke se atema el ombre.

[Start of Page 14 in original text]

We should know that all is nothing,

This wretched life.

There is no exit or entrance

In the life of a man.

From the birth of the child,

Until four or five years old.

Just as the chick is raised,

So is a man raised.

When he starts to speak,

He is the joy of the table,

Everyone hugs him and kisses him,

And man takes pleasure in hearing him

In the arms of his mother,

And on the shoulders of his father.

Like a rose that opens,

That is what a man looks like.

They say if you see his grace,

How much you will gain.

Neither in Venice nor in France,

Has any man seen it.

When he is ten years old,

All his actions are to damage.

To destroy and tear clothes,

So no man can contend with it.

He speaks and says what he wants,

There is no one to forbid him.

From the time he is fifteen,

He becomes a man by himself.

When he sees himself at twenty years old,

He becomes a strong lion,

He sets his mind on getting married,

To be counted as a man.

Once he married as best he could,

He achieved what he wanted.

This is the happiness

That man has to enjoy.

Before a year has passed,

The wife is pregnant.

If there are twins in her belly,

The man holds it against her.

He has lots of pains,

Fleeing from the debtors.

The color is gone

From the face of a man.

He burns like an ember,

Starts to sell [things] from the house.

From here starts the cause

Of the destruction of a man.

Lugo en en^[47] akel estante

Le demanda kaza aparte

Ya empesa el kombate,

De la mujer kon el ombre.

Kudiado por munchas vandas

Empesa kon las demandas,

De azer todas las modas,

Ke no abastese el ombre.

Kuando tiene los sinkuenta,

Tiene dolores sin kuenta.

La vejes ke le apreta,

I governo de el ombre.

De sesenta ya empesa,

A kitarsele la fuersa,

Ya tiene el pie en la fuesa,

Ke espera mas el ombre.

De setenta es komo loko,

Todos lo toman en poko,

Se aflaka el meoyo,

De la kavesa del ombre.

Kuando tiene los ochenta,

En un kanton lo asentan,

De nada lo azen kuenta

Mas por ombre.

Los noventa no enmento,

Ni en kuenta no los meto.

Ya se konta komo muerto

No se konta mas por ombre.

Si todo esto savemos,

En ke mo^[48] lo kontenemos

Si en rikeza diremos,

No lo eskapan a el ombre.

Ken kere eskapar de penas

Aga bien kon manos yenas,

Teshuva i echas buenas,

Lo eskapan a el ombre.

I todo esto no kave,

En ombre ke ya save,

Kuanto mas viejo es mas save

Kuanto mas viejo mas ombre.

Kuanto mas se envejese,

Mas i mas el sehel krese

De ver sus karas parese

Malahim en forma de ombre.

No vos raviesh tan presto,

Porke avlo dezonesto

Por mi avlo todo esto

No lo dishi por ningun ombre.

Then at that instant,

She asks for a separate house.

The fight starts

Between the woman and the man.

Worried from many sides,

She begins with demands,

To keep up with all the fashions

That a man cannot do.

When he is fifty,

He has pains without end.

Old age pressures him,

And governs man.

When he is sixty,

Strength begins to leave him,

He has one foot in the grave,

That awaits man.

At seventy, he is like a crazy man,

No one listens to him,

His brain weakens

In the head of a man.

When he becomes eighty,

They sit him in a corner,

They no longer consider

Him as a man.

The nineties I do not mention,

Nor even consider.

He is now like a corpse,

He is no longer counted as a man.

If we know all of this,

How can we be haughty?

If we say because of our wealth,

It cannot save a man.

Whoever wants to avoid sorrow

Must do good things with full hands,

Repentance and good deeds

Will save the man.

And all these do not fit

In a man who is wise.

The older he is, the more he knows.

The older he is, the more of a man.

The older he gets,

The more his intelligence grows.

From his face he looks like

An angel in the form of man.

Do not get angry so fast,

Because I speak immodestly.

It is about myself that I say all this,

I did not say it about any other man.

Kuando el rey Nimrod al kampo salia.

Mirava en el sielo i en la estreyeria.

Vido luz santa en la djuderia.

Ke avia de naser Avraam Avinu.

Lugo a las komadres enkomendava.

Ke toda mujer prenyada kedava.

I si ijo parira. Apunta lo matara.

Ke avia de naser Avraham Avinu.

La mujer de Terah kedo prenyada.

De dia en dia el le preguntava.

De ke tenesh la kara tan demudada?

Eya ya savia el bien ke tenia.

En fin de nueve^[49] mezes parir keria.

Iva kaminando por kampos i vinyas.

A su marido tal no lo deskuvria.

Topo una me’ara i ai le pariria.

En akea ora el nasido avlava.

Andavos mi madre de la me’ara.

Yo ya topo ken me alechara.

Malah del sielo me akompanyara.

Porke so kriado del Dyo bendicho.

En fin de vente dias lo fue a vijitar.

Lo vido de enfrente mansevo saltar.

Mirando al sielo i bien atentar.

Para konoser El Dyo de la verdad.

Madre la mi madre ke bushkash aki.

Un ijo presiado pari yo aki.

Vini a bushkarlo si se topa aki.

Si es ke esta bivo me konsolare yo.

Madre la presiada ke avlas avlash.

Un ijo presiado komo lo deshash.

A fin de venti dias komo lo vijitash.

Yo so vuestro ijo presiado.

[Start of Page 16 in original text]

When King Nimrod went out to the countryside.

He looked at the sky and the stars.

He saw a holy light above the Jewish quarter,

That Abraham, our Father, would be born.

Then he ordered the midwives,
That every pregnant women,
If she gave birth to a boy, to immediately kill him.
That Abraham, our Father, would be born.

Terach’s wife was pregnant,

and day after day, he would ask her

“Why is your face so pale?”
She knew the good she had (within her).

At the end of nine months she needed to give birth.

She went walking through fields and vineyards.

She did not reveal it to her husband.

She found a cave, and there she would give birth.

Just at that time, the newborn spoke,

“My mother, go from the cave.

I will find the person to breastfeed me.

An angel from heaven will accompany me.

Because I am a child of blessed God.”

At the end of twenty days she went to visit him.

In front of her, she saw a young man jumping.

Looking at the sky and observing very closely

To know the God of truth.

Mother, my mother, what are you looking for here?

An esteemed son I gave birth to here.

I came to see if he is to be found here.

If he is alive I will be consoled.

My esteemed mother, what words are you speaking?

An esteemed son, how do you leave like that?

How can you only visit him after twenty days?

I am your esteemed son.

Mira la mi madre ke El Dyo es uno.

El krio los sielos uno por uno.

Dizilde a Nimrod ke perio su tino.

Porke no kere kreer en El Verdadero.

Lo alkanso a saver el rey Nimrod esto.

Disho ke lo traigan aina presto.

Antes ke dizrenien a todo el resto.

I deshen a mi i krean en El Verdadero.

Ya me lo trusheron kon grande albon.

I el travo de la sia un buen travon.

Di rasha porke te tienes tu por Dyo.

I no keres kreer en El Verdadero.

Ensendieron un orno bien ensendido.

Echaldo presto ke es entendido.

Yevaldo kon trabukos ke es agudo

Si de aki Dyo lo eskapa es verdadero.

Echandolo al orno iva kaminando.

Kon los malahim iva paseando.

I todos los lenyos fruto ivan dando.

De aki konosemos al Dyo verdadero.

Grande zehut tiene el sinyor de Avraam.

Ke por el konosemos El Dyo de la verdad.

Grande zehut tiene el parido.

Ke afirma la mizva de Avraam Avinu.

Saludemos agora al sinyor parido.

Ke le sea besiman tov este nasido.

Eliyau Anavi mos sea aparesido.

I daremos loores al Verdadero.

Saludemos al sandak i a el moel.

Ke por sus zehut venga el goel.

I ke rihma a todo Yisrael.

I daremos loores al Verdadero.

Look, my mother, that God is only one.

He created the heavens one by one.

Tell Nimrod that he’s lost his mind,

Because he does not want to believe in the True One.

King Nimrod came to know this.

He said to bring him here now quickly,

Before they dethrone all the others.

And they leave me and believe in the True One.

They quickly brought him to me with great fear.

And he gave the throne a mighty pull.

Say, evil one, why do you consider yourself God?

And refuse to believe in the True One?

They lit up and heated the furnace very hot.

Throw him in quickly because he knows what’s what.

Take him in chains because he is clever,

If God saves him from here, then God is the True One.

When they threw him in the furnace, he started walking about.

With the angels he went strolling.

And all the logs kept bearing fruit.

From this we know the True God.

Master Avraham has great merit.

For thanks to him we know the God of Truth.

The new father also has great merit.

Because he affirms the commandment [=circumcision] of Father Avraham.

Let us hail now the new father.

May this newborn be a good sign for him.

May the prophet Eliyahu appear to us.

And we will praise the True One.

Let us greet the godfather and to the circumciser.

For through their merit may the redeemer come.

And may he redeem all of Israel.

And we will praise the True One.

א Ija mia mi kerida,

Asta kuando vas pedrida,

Torna en Teshuva kumplida,

I seras tu mi amor,

ב Vos mi Padre el mi amigo,

Porke no estash kon migo,

Ke esto entre enemigos,

Entre setenta umot.

ג Grandes avonot izites,

Ke por esto te prendites,

Si es ke arepentites,

I tornates tu a Mi.

ד Dare kondes en tu mano,

Asta Esav tu ermano,

Si keres bivir tu sano,

Kale eskuchar a Mi.

ה En ayom^[50] yo vo pensando,

De ver Tu Nombre esbivlado,

Porke me van demandando.

Ande Dyo de tus padres.

ו Ven tu mi ija eskojida,

Ya yevates mala vida,

Presto ya seras rihmida,

En sirviendo tu a Mi.

ז Zehut de mis padres mira,

I abate la tu ira.

Velo ta‘avid gemira,^[51]

De zera shel Yisrael.

ח Hasidim de ti espero,

Ke de ti no mi dezespero,

Tu primero i prostero,

Apiada sovre mi.

ט Toma el kamino derecho,

I ternas muncho provecho,

No veras ningun despecho,

En sirviendo tu a Mi.

י Ya esto en este tino,

De sirvirte de kontino,

No desha el espino,

Ke me puncha el a mi.

כ Kuando el espino te puncha,

A el negro no se eskucha.

Meldale a el Ley muncha,

I despedasale a el.

[Start of Page 18 in original text]

My dear daughter,

How long will you be lost,

Make a complete repentance,

And you will be my love.

You, my Father, my friend,

Why are you not with me?

I am surrounded by enemies,

Surrounded by seventy nations.

You have committed great sins,

For that you were caught,

If you have repented,

And returned to Me.

I will give Counts (title of great status) unto your hands,

Even Esau, you brother,

If you want to live healthily,

You must listen to Me.

Today I keep on thinking,

to see Your Name profaned,

because they keep on asking me,

“Where is the God of your fathers?”

Come, my chosen daughter,

You have led a bad life,

Soon you will be redeemed,

In your serving Me.

Look at the merit of my fathers,

And lessen Your anger.

So that you will not disappear completely,

From the seed of Israel.

Pious ones, from you I have hopes

Because I do not despair of you,

You are first and last,

Have pity on me.

Take the right path,

And you will have great benefit,

You will not see any despair,

In your serving Me.

I am of this thought,

to serve You always.

do not leave the thorn,

which pinches me.

When the thorn pinches you,

Don’t heed the evil one.

Read to him the Law (Torah) often,

And tear him to shreds.

ל La koza es muy fuerte,

I de muy diferente,

Ya le akodri la muerte,

No me desha el a mi.

מ Ma si dizes no lo veo,

De un ojo i feo,

No es kuanto un kaveo,

Por venserlo yo a el.

ס Saves ke estas enkampado,

El sehel tienes tapado,

Si keres ser eskapado,

I puedas tu kon El.

ע Enayim tengas aviertos,

De no pensar pensamientos,

I no deskuvrir sekretos,

A ke vensas tu a el.

פ Pensa bien en este rijo,

Embezarlo a tu ijo,

Todo es el empesijo,

Al kavo sierve el a ti.

צ Tsaar grande yo vo teniendo,

De lo negro vo fuyendo,

I de el me vo eskondiendo,

Fin ke fuiga el de mi.

ק Kon esto topas salida,

Siempre te topas prendida,

Si keres ganar la vida,

Este mundo i el vinien.

ר Rahum Tu eres yamado,

Dyo Alto i enshalshado

Espero ser ayudado.

Apegate tu kon mi.

ש Shalom digan en mi venida,

De ti sea resivida,

A tu ija la kerida,

Tornarla a su lugar.

ת Temima i no enkonada,

Kon tsadikim su morada,

Kon korona enkoronada,

Siempre kerida de Mi.

The thing is very strong,

And very different,

I have reminded him of death,

He does not abandon me.

But if you say “I do not see him,

With one ugly eye,”

Not even a hair’s breadth,

Will keep me from conquering him.

You know that you are trapped,

Your mind is covered over,

If you want to escape,

And be able to overcome him

Keep your eyes open,

Do not have thoughts,

Do not reveal secrets,

Until you conquer him.

Think well about this rule of behavior,

Teach your son,

Everything is at the beginning,

At the end, he serves you

I am suffering great grief.

I keep fleeing from evil,

And I am hiding from him,

Until he flees from me.

With this you will find a way out,

You always find yourself caught,

If you want save your life,

In this world and the World to Come.

You are called Merciful,

Great God, and Praised,

I hope to be helped.

Stick closely to me.

Shalom (Peace), let them say in My coming,

May it be received by you,

Your dear daughter,

Return her to her place.

Perfect and not defiled,

With pious ones will be her dwelling place

Crowned with a crown,

Always beloved by Me.

El amor es fuerte,        fuerte i kemador

Komo un serpiente      arevatador

Se mete de enfrente     komo el matador

Menaza de muerte       a su amador

El amor es fuerte         i tambien selozo

Ni dia ni noche            no desha repozo

Balda la alegria           i kita el gozo

Ken de el se harva       kaye en ondo pozo

El amor parese             a una rapoza

Da una golor                komo una roza

Ma su enterior              es muy venenoza

El amor! El amor!        El amor?!!

De mentar solo tu nombre me da miedo i temor

El amor, el amor!         El amor! El amor!!!

De mentar solo tu nombre me da miedo i temor

Love is strong, strong and burning

Like a snake grabbing

It puts itself in front of you like a killer

It threatens death for its lover

Love is strong and also jealous

Neither by day nor night does it give rest

It cancels joy and throws out pleasure

He who is hit by it falls into the deep well

Love resembles a fox

It gives the fragrance of a rose

But its inside is very poisonous

Love! Love! Love?!!

Just to mention its name gives me fear and terrror

Love! Love! Love! Love?!!

Just to mention its name gives me fear and terror

Pasen yelores              vengan kalores

Pas i amores               entre sinyores  

Avran sus flores          den sus golores

Bivan los povres         kon sus favores

Atad las manos                      vos mis ermanos

[Start of Page 20 in original text]

Let the frost be gone, let the heat come

Peace and love among gentlemen

May their flowers blossom and give their fragrance

Long live the poor with their favors

Join your hands, you, my brothers

Por ser umanos                      no ser paganos

Ley embezemos                      buendad agamos

Moral oygamos                      amor tengamos

Ley embezemos                      buendad agamos

Moral oygamos                      amor tengamos

      2

Akostad oidos                       vos mis keridos

No kon dukados         ser kontenidos

No kon vestidos                      ser distinguidos

Sensia kuvridvos         amor vestidvos

Atad las manos                       vos mis ermanos

Por ser umanos                       no ser paganos (2)

Ley embezemos                      buendad agamos

To be human, not pagans

Let us learn the law (Torah), let us do good deeds

Let us hear moral teachings, let us love one another

Let us learn the law, let us do good deeds

Let us hear moral teachings, let us love one another

Lend an ear, my dear ones

Not with money be proud of yourselves

Not with fine clothing distinguish yourselves

Drape yourself with knowledge, dress yourself with love

Join your hands, you, my brothers

To be human, not pagans

Let us learn the law, let us do good deeds

En el verdjel dela reina,

A kresido un bel rozal,

La raiz tiene de oro

la simiente de un buen kristal,

En la ramika mas alta,

Un roshio sinti kantar,

Se torna el kantar ke iva diziendo,

Loria es de lo kantar.

La reina estava lavrando,

I la ija durmiendo esta,

Alevantesh la mi ija

De vuestro dulse olgar.

[Start of Page 21 in original text]

In the queen’s garden,

A beautiful rosebush has grown,

Its root is of gold,

Its seed of a beautiful crystal.

On the highest branch,

I heard a nightingale singing,

Again came the song that it was singing,

A pleasure it is to sing it.

The queen was embroidering,

And the daughter is sleeping,

Wake up my daughter,

From your sweet rest.

Oiredesh komo kanta,

La serenika de la mar,

No es la serenika mi madre,

No es la serenika de la mar.

Si no es el Konde Alimar.

Ke por mi se va akavar.

Si es esto la mi ija,

Yo lo mandare a matar,

No lo matesh la mi madre,

No lo mandesh a matar.

Ke el Konde es ninio i muchacho,

El mundo kere gozar,

I si lo matash la mi madre,

A mi kon el en un lugar,

La reina ke de mal tenga,

Presto lo mando a matar,

Ande fue su enteramiento,

Debasho del bel rozal.

El se izo una graveina,

I eya se izo una kondja^[52],

La reina ke de mal tenga,

Presto los mando arankar.

Los aranko i los desfizo,

I los echo a bolar.

Eya se izo una palomba,

I el se izo un gavilan,

La reina ke de mal tenga,

Presto los mando a kasar,

Los kaso i los degoyo^[53],

I los izo ke almorzar.

Los guesizikos ke kedaron,

Los mando echar a la mar,

Eya se izo una perkia

I el se izo un kara sazan^[54].

La reina ke de mal tenga,

Presto los mando a peshkar,

Los peshko i los eskamo

I los izo ke almorzar.

[Start of Page 22 in original text]

You will hear how she sings,

The mermaid of the sea.

It is not the mermaid, my mother,

Not the mermaid of the sea.

But it is the Count Alimar,

Who will give his life for me.

If this be so, my daughter,

I am going to have him killed.

Do not have him killed my mother,

Do not have him killed.

For the count is a young boy,

He wants to enjoy the world.

If you have him killed, my mother,

I shall be with him in one place.

The queen, may evil befall her,

Soon ordered him to be killed.

Where was he buried?

Under the beautiful rosebush.

He turned into a clavelina,

and she turned into a rose.

The queen, may evil befall her,

Soon ordered to dig them up.

She dug them up and destroyed them,

And she threw them into the air.

She turned into a dove,

And he turned into a sparrowhawk.

The queen, may evil befall her,

Soon ordered them to be hunted down,

She hunted them and slit their throat,

And made them into a meal.

The little bones that remained,

She ordered them to be thrown into the sea.

She turned into a grouper^[55]

And he turned into a carp.

The queen, may evil befall her,

Soon ordered them to be caught,

She caught them and scaled them

And made them into a meal.

Las espinas ke kedaron,

Las entero debasho el portal,

Eya se izo una kulevra,

I el se izo un alakran.

The fish bones that remained,

Were buried under the front door,

She turned into a snake,

And he turned into a scorpion.

Una ramika de roza,

Dime mi ija, ken te la dio?

Me la dio un manseviko,

Ke de mi se namoro

Ija mia, mi kerida

No te eches a la perdision

Mas vale un marido

Mas ke una nueva amor.

El mal marido, mi madre,

El pelishko i la maldision

El nuevo amor mi madre

La mansana i el limon

Me demanda una demanda

Ke me aze morir

Me demanda banyo en kaza

Ventanas para el yali^[56]

Los mushlukes^[57] sean de oro

Las pilas de farfuri^[58]

Ke demanda me demanda

Ke me aze tresalir

A little branch of roses,

Tell me my daughter, who gave it to you?

An eligible young man gave it to me.

He fell in love with me.

My daughter, my dear,

Do not throw yourself into ruin.

A husband is worth more

More than a new lover.